Le trio a capella de la vallée d'Ossau

Vidéo du journal televise : Le journal de 13h - TF1


http://videos.tf1.fr/jt-13h/le-trio-a-capella-de-la-vallee-d-ossau-5800930.html

Mayram maumiat

Amic Yantot,

Coum à you, que-t déu ha bisca l’ana d’aquéth moùndẹ de oéy qui criden toustém enta deféndẹ las bèsties. Que plagnen las poures, toutû au soubac, plâ ristoades e abeurades, permou que n’an pas prou d’espassetrèyt héns las cuyoles. Permou de l’estacadé de hèr qui-us pelabe lou cot, qu’an hèyt escourna lou bestia enta que pousquen atégnẹ la minyadére à trubès ûe cléde de hèr, e puya ou bacha lou cap adayse. Que-t an hèyt passa méy de léys e de reglaméns que lou Parlamén de Nabarre, nou pas enta la libertat dous òmis, més enta l’aysinè dou mayram, Lous pràubẹs paysâs nou hèn prou de rebiengut enta hica las bordes coum las caleré suban las léys de France e d’Europe. Baduts e eslhebats au miéy dou mayram, que-ns abèn après aus soegna e à nou pas lous rudeya. Enta l’atelàdyẹ, ne calè pas serbi-s de l’agulhade, més de la paraule, lou bestia qu’at coumprenèn. Segu que-y abè estacadés, yûs, trabes e licols, més que-ns abisabem d’ous hica en douceyan. E ta que nou hassiam pas soufri las bèsties, que-ns e countaben hèytes de las machantes qui nou calè pas segui.

Lou Farou de Barouquet qu’ère û beroy câ gris, brasous, més qu’abè l’oélh bach à ha pietat. Lou péu arrougnous, cargat de brocs e de busquets, n’estuyabe pas las coustétes sarrades d’ûe bèstie qui passabe hàmi. U sé de dalhère, lous òmis en soupan que-u n’embiaben ad’escus de bèts croustoûs, autalèu glapats per lou Farou.

- Bam, Miquèu, que l’as hère màgre aquéth câ, que caleré que tournèssem soubén ta soupa aci.

- Qu’éy de machante hèyte, sabét, qu’ou hàrti, e autâ plâ qu’ou te dau û bouchèth de brén !

Be pénsi que l’at primeyabe, lou bouchèth que debè serbi enta tout l’an !

Que cau dìsẹ qu’en aquéth téms lou moùndẹ que misereyaben, e la rèyte que-s abè dounc à partadya. La pouralhe qu’ère enta bénẹ, que-s amassabe ço qui poudè, soùnquẹ drin de sibade enta-us esloucha la oeberole. Hore lou porc de l’anade, nou minyaben que car de bèstie accidentade abans de la-n embia tau petassè. Lou Miquèu, yustemén, qui bienè emprounta û cabèstrẹ au besî, qu’esté embitat enta disna. Lou frico qu’ère aboundous : bèth talhuc d’esquiau, plâ coéyt e prou beroy adoubat. Més abans de-s en tourna, quoan ana cerca lou cabèstrẹ, que bedou …ûe mule penude !… E que-n y mancabe tros ! Quin hàsti ! Aquére sauce d’ûe mule escoechade, ne la poudou pas debèrzẹ. Que-n escoupibe lountéms, dus ans adarroun, se disèn, à tau pun que lou pot de debat que-u ne penè !

Per noùstẹ, que disèn que calè meylèu pati hàmi que ha soufri las bèsties, e sustout nou pas ha-les estadi ou truca-les dinque que-s en mourìssẹn.

Amic Yantot, porte-t plâ … E, ta disna, àyes àutẹ cause qu’esquiau de mule.

Ugène dou Palouquet

Termières

Amic Yantot,

Quoan coumençabe lou rét de l’ibèr, que-t abi dit qu’ère béroy téms enta pela. Més la frescure de las noéyts que-s éy perloungueyade e à noùstẹ las tripes que-s soun esclarides à las barres dou soulè e lou yamboû que-s trobe arreblat dinque l’os. Aquères bendisques tardibes qu’an neurit l’isagnè dou moùndẹ. La bite care, lous aygats, la malìci dous paysâs permou de la lèyt e de la car, las peleyes poulitiques que-ns espernicaben deya prou…

Ta-m counsoula, lou besî Peyroutoû que-m dit qu’àutẹs cops que y abè autan de grignes p’ous bilàdyẹs, quoan nou seré que permou de las termières e dous passàdyẹs. Be-n y abè peléyes, ad’escus ou s’ous escalès dou tribunal, qui passaben despuch l’arrè gran-pay dinque l’arrè-hilh, permou d’ûe hite – desplaçade se disèn – ou d’ûe carretère barralhade. Més à you, se-m gahe lou berdigòu aquéstẹ tour, qu’éy permou que soun las termières dous bilàdyẹs qui soun, pas cambiades, més esbalisades. Qu’abèn hèyt deya SIVOM (que créy que bòu dìsẹ sendicats) e adare que-t hèn « coumunoutats de coumunes », pèys, coum lou « Pèys dou Miéy de Biarn ». Aco que hè qu’enloc nou-ns e poudém trouba mèstẹs coum à case. Que-s paréch qu’atau que poudém touca subvencioûs, més entertan que hèn praba las countribucioûs. Despuch la Reboulucioû, que-ns e credèm au soubac de las termières dous departamens, més que las t’abèn hèytes segouti, que y a û bintenat d’anades, enta ha las « regioûs ». Sabes pas qu’adare que bòlin ha coum per la houlie dous « remembraméns dous cams » en las anades cinquante : arrasa plèchs e barats, cura arrélhes pregounes enta poùdẹ tira glébes de cinc céns pas ! Lous paysâs que debèn esta méy rìchẹs ! Espie-us tè ! Rìchẹs de déutẹs e de tesics ! Lhèu que sera atau s’arriben à esbalisa las termières dous departaméns e de las regioûs.

Bèn, tu, au ménch, tien-te ploumat, e sies urous per case.

Menicou de las Iroles

Esprit dous biarnés

En tout téms lous Biarnés que bouloun esta mèstẹs à case e qu’esté û malur tad’éths quoan lou noùstẹ Enric s’abisa de counqueri Paris. Acera hore, que se-n abou à supourta de tout pèys ta que-u dechèssẹn la pats. Lous pràubẹs Biarnés, si estoun û moumén rìchẹs de glòri permou dou lou Prìncẹ, nou tardèn pas à recounèguẹ que la glòri n’at balhe pas tout. Lou Biarn endependén e lìbrẹ, û cop Louis XIII apitat s’ou trònẹ, n’estou pas méy qu’û petit parsâ de France, e trattat medich coum lou darrè dous darrès. Més aco, lous Biarnés n’at poudèn pas debèrzẹ. Lou soubiénẹ dou lou téms qu’ous turmentabe. Per bèt cop, que-s pensèn que si poudèn ha tourna l’Enricou ta Pau qu’ous adouciré lou chegrî. Que demandèn, poulidemén, b’at pensat, à Louis XIV d’ous manda l’estatue dou soû gran-pay ta la ha quilha sus ûe place de Pau.

Louis XIV que-s trufabe beroy dou soû gran-pay ! Éth soul qu’abè lou drét d’esta ounourat atau. E que dé l’oùrdi au soû minìstrẹ de manda taus Biarnés û Louis XIV de mesure. Qu’aberét hèyt à la place dous noùstẹs anciéns ? Prénẹ toustém, en aténdẹ miélhẹ. Qu’éy aco qui hén. Més pràubẹ réy de France, nou sabè pas dap qui s’abè lous ahas ! Ah ! Quio ! Que-s credè méy que lou soû gran-pay ! Bas bédẹ, tè ! E qu’ou hiquèn aquéste pigrafe au pè de l’estatue :

Aci qu’éy l’arrehilh dou Noùstẹ gran Enric,
Lou cèu, qui l’abè dat per lou bé de la tèrre
L’a hèyt lou pay dous boûs, deus mechans l’enemic,
Û Saloumoun en pats, û bray Cesar en guèrre.
Plàsiẹ à Diu que yaméy lou màrmẹ e lou metau
Hàssiẹn bìbẹ sa gloère autâ plâ coum à Pau.

Atau que l’at y hén passa. Lou Réy-sourélh n’ère pas que lou petit hilh dou gran Enric.

Quoan arriba la reboulucioû, l’estatue de Louis XIV qu’esté desapitade. Oéy, lous Biarnés qu’an la qui boulèn.

ESPLICS :


Acera hore : là-bas très loin
Que-en abou à supourta : il eut à supporter
Per bèt cop : un beau jour
L’Enricou : leur cher Henri
Louis XIV de mesure : de bonne taille
En aténdẹ miélhẹ : en attendant mieux
Nou sabè pas dap qui s’abè lous ahas : il ne savait pas à qui il avait à faire
U bray Cesar : un vrai César
Atau que l’at y hén passa : ainsi on lui fit passer

Per dèts escuts !

D’auts cops, las gouyates pràubẹs qu’anaben de porte en porte demanda de qué ha lou troussèu. Ûe d’aquères, qui n’abè pas boutat nade houn à hoèc e qui s’aperabe Cendrine, qu’arribè au castèth, e, poulidemén, coum l’at abèn plâ recoumendat, que dit à la dame qu’auré besouy de quàuquẹ so enta-s poudé marida.

- As dounc troubat ?
- O plâ, Madame, ne-m manque pas soùnquẹ lou sos.
- E douc, puch qu’as troubat, que-t dau aqui dèts escuts. Mès que bouy que-m biéngues mucha lou toû pretendut.
- Aco que harèy, Madame.

La bèlhe despousa, la Cendrine que ba ha bédẹ à la dame dou castèth lou pretendut qui ère petit, lè, guèrle e pot-birat.

- Coum t’as anat prénẹ û gouyat atau ? S’ou dit la daune.
- Eh, Madame, s’ou respoun la Cendrine, que bouléts dounc que pousquin trouba per dèts escuts ?

Cesàri Daugé

(Parla d’Ayre sus l’Adou)

Guèrle : qui louche

Hèytes dou Felip

Amic Yantot,

L’an passat, quoan te countèy ûe de las benalèyes dou defun Felip, que-t en arrigous hère. Nou-m estoune pas, permou que sèy qu’au bòstẹ parsâ de bite màgrẹ, que patit méy adàysẹ permou que-p sabét trouba las aucasioûs d’arrìdẹ. Lou Lespy qu’at sabè permou que bantabe coum cau lous Tarrissès d’Aulhoun, lous Pete-mils de Sedzère e lous Cure-mésplẹs d’Espechede. Tabé que-t bau dìsẹ gnàutẹ istoère countade per lou defun Louis, ne la-m èy pas cousude au cor dou hoéc. Que toque ûe arré-maygrane de Gabastoû, de la familhe M. (que cau respecta lous arré-hilhs).

La Liséte que partibe tau marcat de Mourlâs. Countente, permou qu’à las bascoyes de l’àsou que y abè méy de très doudzénes de oèus, de que ha-s quàuquẹ souricot. D’ûe camiasse que sort lou Felip e, pitou patou que-n ban. Au cap d’û téms lou gouyat que dit :

- « Hèy, madame, e-m decharét ha û chebit à l’àsou ?
- - O, e dus tabé, si sàbes ha-t coumprénẹ. »

Tau dit, tau hèyt. Lou Felip que-s aprèsse e, au clot de l’aurelhâ que-n embie û pugnat de mousques-cagnisgues, sàbẹs, d’aquéres rousses qui nou boulen pas, més arpateyen sus lou coé dou bestia. Quins cops de cu ! Coum t’at penses, hémne, bascoyes e oéus en mouléte !

Nou-s cau pas estouna que la Liséte e bouloùssẹ cruba lous sos dous oéus e que calou passa daban lou yùdyẹ.

- « Bam, gouyat, qu’abét hèyt dou tort a d’aquèstẹ bràbẹ hémne. Qu’abét hèyt û desaguis à la soue mounture.
- Nàni, Moussu, que l’abi demandat la permissioû d’ou parla.
- O, e que l’abét dit ?
- Que l’èy dit que lou soû pay e lou soû gran-pay que-s èren mourts … e qu’anabe ereta de grans mouyéns. Labets, de countentè, l’àsou que-s boutè à cu-lhebeta e a-s bouquilha ! Qu’éy ét qui hé destourna la Liséte e qui éy l’encause de la mouléte. »

Nou sèy pas ço qui-n debira, més Yantot, que-t abisaras à las mousques

Ugène dou Palouquet



Esplics :


Benalèyes : mésaventures
Bite màgrẹ : vie difficile
Que patit méy adayse : vous supportez plus facilement
Tarrissès d’Aulhoun : vendeurs de poteries d’Ouillon
Pete-mils de Sedzère : les peureux de Sedzère
Cure-mésples d’Espéchède : mangeurs de nèfles d’Espéchède
Ne la-m èy pas cousude : je ne l’ai pas inventée
Camiasse : mauvais chemin
Pitou patou qu’en ban : cahin- caha il s’avance
Ha û chebit : dire un secret
Mousques-cagnisques : variété de mouche
Arpateyen (arpateya) : courir à quatre pattes
Cruba : percevoir (ici récupérer)
Desaguis : mauvais tour, désagrément
Grans mouyéns : grande fortune
Cu-lhebeta e a-s bouquiha : ruer et se vautrer
Destourna : renverser

Faut-il une loi pour les langues régionales ?

Le 16 octobre, des militants de la langue basque ont eu un entretien avec M. Guillaume Métayer, conseiller de M. Frédéric Mitterrand, ministre de la Culture et de la communication ; ce fut pour apprendre qu’aucun calendrier n’est prévu pour un projet de loi sur les langues régionales et que le ministère s’interroge même sur son opportunité. Les militants des langues régionales s’en sont fortement émus et certains ont crié au scandale, une telle loi ayant été promise par Mme Albanel, précédent ministre de la Culture, lors d’une déclaration faite le 7 mai 2008 à l’Assemblée nationale. C’est oublier qu’une initiative des députés prise 15 jours plus tard, le 22 mai, a abouti à l’inscription de ces langues dans un article 75-1 nouveau de la Constitution : « Les langues régionales appartiennent au patrimoine de la France. »

Cela vaut beaucoup plus qu’une loi, comme l’a souligné M. Métayer. Désormais :

- le qualificatif « régionales » enracine chaque langue dans un territoire ;

- le substantif « patrimoine » renvoie à l’histoire de chaque langue héritée des aïeux, comme tout bien patrimonial ;

- la place même de cet article dans le titre XII de la Constitution, relatif aux collectivités territoriales, les désigne d’emblée comme maîtresses d’oeuvre de la conservation de la langue, voire des langues, de leur territoire.

Dès lors, toute la législation relative à l’exercice des compétences générales des collectivités territoriales est applicable à leurs actions au profit de ces langues. D’autre part, l’article 34 de la Constitution limite strictement le domaine de la loi, renvoyant tout le reste au domaine des décrets, pris par le seul gouvernement. Par exemple, on peut imaginer un décret fixant les conditions dans lesquelles seraient déterminés les noms de communes écrits selon la langue locale (recherche dans les écrits anciens, lisibilité à l’époque actuelle en raison de la prononciation moderne, etc.).

Il ne reste donc pas grand-chose qui puisse être mis dans une loi, et l’on comprend que l’État, si facilement accusé de jacobinisme, laisse aux collectivités territoriales toute latitude pour nommer leurs langues historiques et favoriser leur maintien selon les attentes de la population.

Or, ces attentes ont bien été mises en avant par M. Jean-Jacques Lasserre, alors président des Pyrénées-Atlantiques, à la page 6 du dossier Langue occitane joint au numéro de décembre 2003- janvier 2004 de « Lettres d’Aquitaine » : il faut « à la "base", une volonté réellement marquée d’une partie au moins très significative des populations concernées de passer d’un intérêt "passif" pour sa langue régionale (par exemple "l’opinion très positive" exprimée lors des fréquents sondages d’opinion sur le sujet) à un intérêt "actif" (par exemple, l’inscription de ses enfants en filière bilingue lorsque la possibilité en est offerte) assortie d’un soutien concret, rapide et pérenne des collectivités de proximité (communes, intercommunalités...) lorsque cette volonté se manifeste ».

Autrement dit, « aide-toi, le Ciel t’aidera », et l’État lui-même apportera sa contribution, comme il le fait dans d’autres domaines de conservation du patrimoine.



Enfin, s’il faut vraiment une loi, rien n’empêche les députés et sénateurs de la proposer, pour peu que les militants leur suggèrent des dispositions conformes à la Constitution, donc relevant du domaine de la loi selon l’article 34, et ne contrevenant pas à l’article 2 sur le français, langue de la République, et à la jurisprudence qu’en a tirée le Conseil constitutionnel. Rien n’est donc perdu, si les Français de base veulent vraiment garder vivantes les langues de leurs ancêtres.

Jean Lafitte

Docteur en sciences du langage
(Tribune libre parue dans le quotidien Sud-ouest)