Rechercher dans ce blog

mercredi 3 août 2011

PAU BILE REALE

Pau, bile reale.




Malaye ! Be passe bìstẹ lou téms, toutû ! Er an passat, era bile de Pau que celebrè dap lous aunous, l’assassinat dou Noùstẹ Enric per « lou diàblẹ bér » de Ravaillac et 16 de may 1610 à Paris.

Quàuquẹs sés d’estiu, daban det castèth de Gastoû Febus, qu’esté û hère beroy espectàclẹ dap eboucacioûs istouriques. Et moùndẹ que-s amassè entà bédẹ « La Lune avec les dents » (2). Aquéstẹ estiu que s’y tournèn coum et defun Jules Verne !

Tabé qu’y abou councurrénce d’autous ta ha det réy de Nabarre et counquistadou dera lûe, més et moùndẹ qu’at sap qu’ère et « Vert Galant » ! E lûes, que-n abè bist à passa bère troupe…

Puch ets Biarnés qu’aprengoun que-s abèn retroubat et soû cap. Per faute d’ADN, ets especialìstẹs y cerquàyrẹs n’an pas poudut dìsẹ si ère demourat huganaut ou bertadè catoulic ! Qu’abè cambiat hère de cops d’abis y d’idées. Qu’ère hort poulitic y que debè esta dilhèu drin centrìstẹ ! Et purmè sendic dera bile de Pau, ûe soucialìstẹ, que-s boulou recupera et cap enta-s ha drin de reclame. You que pensi que l'os qu'abè l'Enric debath dou melic qu'aberè hèyt ûe bère clau ta "Pau Porte des Pyrénées"!

Toutû, que pouderém decha-u demoura-s en pats à Paris au loc de-u bédẹ déns ûe nabère expousicioû, û beroy tros det noùstẹ Toutankhamon de Gascougne !

Qu’abèm deja expausat et co de Charles de Nabarre (2) au Counsélh Generau pendén quàuquẹs més ! Chéns parla det réy de Suède, et noùstẹ Bernadotte !

Bè-n, que-m pénsi qu’à Pau qu’abém prou celebrat la mourt dets noùstẹs faraoûs, sinous que-ns bam ploura ets oélhs ! Més, l’istòri qu’a ensegnat que : « ce sont les hommes de paix qu’on assassine », entat pràubẹ Enric, û cop que suféch !


Eth Baretounés.



(1) Expression qui se dit en parlant d'une chose qu'il est impossible de faire. Elle fut utilisée par Rabelais dans son Pantagruel  (1532). On trouve aussi, promettre, décrocher et demander la lune.

(2) Charles II de Navarre, dit Charles Le Mauvais (1332-1387). Mort à Pampelune, son coeur est conservé en l'église Sainte-Marie d'Ujue en Navarre (à 50 km de Pampelune et 20 km de Tafalla).